Este mes de marzo comezaron as clases do curso de preparación aos exames para a obtención do graduado en Ecuación Secundaria Obrigatoria(ESO). Este curso formativo prepara aos alumnos e alumnas nas diferentes materias obrigatorias para presentarse aos exames de obtención do título de graduado en ESO que convoca tódolos anos a Consellería de Educación, e supoñen máis oportunidades laborais para aqueles que logran a obtención do título. Dado a elevada porcentaxe de aprobados obtidos o ano anterior, o Concello segue a promover dita iniciativa en colaboración co Concello de Mesía.

Acaba de rematar o Curso de Informática aplicada a explotacións agrarias que se estaba a levar a cabo na Aula de Informática do Concello. Os veciños e veciñas aprenderon a aplicar as novas tecnoloxías para mellorar a xestión das súas explotacións e consecuentemente a súa competitividade no mercado do sector primaria. Anteriormente a este curso realizouse outro sobre informática básica, no que se tivo en conta o nivel de coñecementos individual de cada alumno/a.

O conselleiro de Medio Ambiente, Territorio e Infraestruturas, Agustín Hernández, supervisou a nova travesía de Abellá (Frades), executada pola Xunta de Galicia. Previamente mantivo unha reunión co alcalde deste municipio coruñés, Miguel Prado Patiño, co fin de tratar diferentes proxectos para o concello. Nestes actos tamén estivo presente a delegada territorial da Xunta na Coruña, Belén do Campo.