Unha vintena de veciñas de Frades participan nas clases semanais de aeróbic organizadas polo Concello de Frades, e que teñen lugar no multiusos José María Botana de Cimadevila. Un curso que se celebra por segundo ano consecutivo no municipio, logo do éxito acadado en 2011, cando participaron un total de 18 persoas.

A Consellería de Traballo e Benestar ten consignados 36.000 euros nos seus orzamentos para a redacción do proxecto de construción dun centro de día en Frades, que terá 800 metros cadrados de superficie e dará servizo a 40 familias. Así llo confirmou a conselleira Beatriz Mato ao alcalde de Frades, Miguel Prado, nunha reunión mantida o luns 30 de xaneiro na sede da Consellería de Traballo e Benestar na Coruña.