Versión en castellano
Inicio Novas
Novas
Un total de 58 veciños e veciñas de Frades fan unha viaxe de cinco días a Guipúzcoa, Lourdes, Andorra, Zaragoza e León
Martes, 01 Outubro 2019 11:13
ViaxeFradesLoyolaUn total de 58 veciños e veciñas de Frades participaron unha excursión de cinco días a Lourdes, organizada polo Concello de Frades e na que estiveron acompañados polos concelleiros de Maiores, Jesús Francos, e Cultura, Juan Carlos Portos. Unha viaxe na que percorreron cidades como San Sebastián, Andorra, Zaragoza ou León, e na que visitaron emblemáticos lugares como o santuario e a basílica de Loiola (Guipúzcoa), a basílica da Nosa Señora do Pilar (Zaragoza) ou o santuario da nosa Señora de Lourdes, onde participaron na procesión nocturna.
 
Unha quincena de veciños e veciñas de Frades asisten a unha charla sobre medidas para aforrar na factura da luz
Luns, 30 Setembro 2019 00:00

CharlaEnerxiaFradesUnha quincena de veciñas e veciños de Frades asistiron a un obradoiro da Escola de Enerxía da Fundación Naturgy, que foi introducida polo concelleiro de Cultura, Juan Carlos Portos Bra. Durante hora e media, os veciños e veciñas de Frades recibiron información sobre posibles medidas de aforro enerxético e resolveron as súas dúbidas sobre as súas respectivas facturas.

Ler máis...
 
Unha ducia de veciñas de Frades participan na segunda edición do curso gratuíto de manexo de móbiles e tabletas
Xoves, 05 Setembro 2019 00:00
ManexoTabletsUnha ducia de veciñas de Frades participan estes días na segunda edición do curso gratuíto de manexo de móbiles e tabletas organizado polo Concello de Frades e a ONG Mestura. Un curso que terá lugar durante os martes deste mes de setembro no multiúsos de Frades. A iniciativa forma parte do Programa Neneiras 2018-2019, financiado pola Secretaría Xeral de Igualdade e cofinanciado pola Unión Europea a través do Fondo Social Europeo 2014-2020, e que busca promover a igualdade e a integración social das mulleres do rural.
 
A Romaría das Virtudes reúne a milleiros de persoas de toda a provincia en Vitre (Frades)
Sábado, 07 Setembro 2019 00:00

AsVirtudesVarios milleiros de persoas de toda a provincia participaron hoxe sábado na tradicional Romaría das Virtudes, que se celebra na parroquia de Vitre (Frades). O tempo acompañou, se ben a afluencia de xente era menor có ano pasado, especialmente no que atinxe á xente moza. A coincidencia este ano con festas de parroquias de municipios próximos e, principalmente, a celebración do Festival da Luz a apenas dez quilómetros restaron moita afluencia de grupos de mozos e mozas.

Ler máis...
 
« InicioAnterior12345678910SeguinteFinal »

JPAGE_CURRENT_OF_TOTAL